BBC Studios
Bob dydd, mae miliynau o bobl yn cysylltu â’r gwaith a grewyd gan ein tîm talentog.
Gwybodaeth am BBC Studios
Ni yw BBC Studios – cwmni cyfryngau byd-enwog sy’n deillio o’r BBC. Rydym yn arwain y ffordd wrth fynd ati i gynhyrchu a dosbarthu cynnwys teledu, sain a digidol mwyaf eiconig a phoblogaidd y byd.
Ein huchelgais yw bod yn gartref i’r straeon mwyaf pwerus, difyr ac ysbrydoledig ar gyfer pobl ym mhob cwr o’r byd.
Gan fod BBC Studios yn gweithio ar draws y byd, gallwch ddod o hyd i ni ym mhobman bron. Mae’r cyrhaeddiad byd-eang hwn yn ein helpu i ganfod a chynhyrchu’r cynnwys gorau sydd gan y byd i’w gynnig.
Straeon ein plentyndod, a’r straeon sy’n newid y ffordd rydyn ni’n gweld y byd.
Ni sy’n creu diwylliant.
Yn creu’r cynnwys sy’n gwneud i bobl stopio sgrolio, a dechrau meddwl.
Ac yn gofyn "beth allwn ni ei wneud yn wahanol?"
Oherwydd safbwyntiau newydd sy’n ein siapio.
Eiconau heddiw, a sêr y dyfodol.
Rydyn ni’n helpu i greu rhaglenni sy’n ysbrydoli.
Yn sicrhau bod ein cynulleidfa yn teimlo pob trobwynt, pob uchafbwynt, pob 10 pwynt.
Rydyn ni’n adrodd straeon sy’n cychwyn sgwrs ac yn sbarduno newid.
Camu’n ôl, er mwyn gweld y darlun llawn.
Taflu goleuni ar y straeon sy’n ein clymu ni i gyd.
Ein hanes sy’n ein siapio, ond ein creadigrwydd sy’n ein gwthio ymlaen.
Symud gyda’r oes, adrodd stori pawb, ac ymfalchïo yn ein crefft.
Bob amser yn edrych tua’r gorwel.
Cydweithio ar draws ffiniau, timau, a chyfandiroedd.
Dod â byd cymeriadau poblogaidd yn fyw yn ein byd ni.
Troi braslun yn realiti.
Ac ysbrydoli miliynau o bobl drwy danio eu dychymyg.
Amgylchynu pobl â’r pethau maen nhw eisiau eu gwylio, a’r pethau maen nhw angen eu clywed.
Cynnig cipolwg ar fywyd go iawn, a chreu bydoedd newydd i ymgolli ynddynt.
Ydych chi’n barod i fod yn rhan o rywbeth mwy?
Mae lle i chi yn BBC Studios.
Rhywfaint o’n gwaith
Eastenders
Ar ôl dathlu ei phen-blwydd yn 40 oed ym mis Chwefror 2025, gyda phennod fyw arbennig, mae’r opera sebon eiconig yn parhau i swyno cynulleidfaoedd gyda’i straeon gafaelgar a’i chymeriadau cymhleth. Mae EastEnders wedi ennill sawl gwobr, gan gynnwys ennill y Ddrama Gyfres Orau yn y National Television Awards yn 2023, ac mae’r llwyddiant hwn yn parhau.
Asia
Yn 2024 lansiwyd y rhaglen Asia gan yr Uned Hanes Naturiol, ar ôl treulio bron i bedair blynedd yn ei chreu. Dyma’r tro cyntaf i’r cyfandir fod yn ganolbwynt un o brif gyfresi bywyd gwyllt y BBC. Mae'r gyfres yn arddangos amrywiaeth syfrdanol mannau mwyaf gwyllt Asia, fel anialwch enfawr y Gobi a jynglau Borneo, diffeithwch ardal begynol Siberia a moroedd cwrel cefnfor India.
Life and Death Row
Ddegawd ar ôl y gyfres wreiddiol, a enillodd wobr BAFTA, roedd Uned Rhaglenni Dogfen BBC Studios wedi lansio’r bedwaredd gyfres o Life and Death Row yn 2025. Mae’r gyfres yn dilyn dyddiau olaf achosion sy’n destun y gosb eithaf, gyda thair rhaglen ddogfen newydd sy’n edrych ar system y gosb eithaf drwy lygaid y rhai sydd agosaf ati, o'r carcharorion sy’n wynebu cael eu dienyddio, i’r dioddefwyr sy’n gobeithio cael rhyw ymdeimlad o heddwch.
Blue Peter
Blue Peter yw’r rhaglen i blant sydd wedi bodoli am y cyfnod hiraf yn y byd, ac mae’n cael ei chynhyrchu gan ein tîm Plant a Theulu ni yma yn BBC Studios. Mae’n dal yn sioe boblogaidd iawn ymysg cenedlaethau ar draws y DU, gyda’r rhaglen yn dathlu ei phen-blwydd yn 65 oed ym mis Hydref 2023. Ac mae ei bathodyn enwog, mawr ei fri, yn bodoli ers dros 60 mlynedd!
Green Planet
Roedd 30% o’r DU – 18.5 miliwn o bobl – wedi gwylio ein cyfres natur nodedig, Green Planet, a gafodd ei chreu gyda Syr David Attenborough. Cyflwynodd neges bwysig am werthfawrogi’r amgylchedd gan ysbrydoli ein cynulleidfa i weithredu. Dyma gynnwys sy’n dylanwadu.
Sut rydym yn gweithio
Cynnwys Byd-eang BBC Studios
Ni yw’r pwerdy cynhyrchu sydd wedi ennill y nifer mwyaf o wobrau a chomisiynau yn y DU. O fyd y ddrama a chomedi i fyd natur a gwyddoniaeth, ni sy’n gyfrifol am rai o’r rhaglenni mwyaf eiconig, arloesol ar y teledu – sy’n cael eu cynhyrchu gan dimau arbenigol yn ein stiwdios ar hyd a lled y byd.
Cynnwys Byd-eang BBC Studios
Mae tîm Ffrydio a Chyfryngau Byd-eang BBC Studios yn gweithio ar draws sianeli teledu a llwyfannau ffrydio D2C rhyngwladol. Mae hyn yn cwmpasu cynnwys sain ar ffurf podlediadau poblogaidd a radio eiconig, creu cynnwys sy’n cynhyrchu refeniw, a gweithrediadau masnachol BBC News y tu allan i’r DU, yn ogystal â BBC.com ac ap y BBC, sef y wefan newyddion Saesneg sy’n cael ei darllen fwyaf yn y byd.
Cefnogi talentau creadigol
Yma yn BBC Studios, rydym yn frwd dros ganfod a meithrin talent eithriadol. Drwy TalentWorks, rydym yn cynnig ystod gyffrous o leoliadau gwaith, mentora a chyfleoedd hyfforddiant wedi'u teilwra sy'n tanio talentau creadigol – ar y sgrin ac oddi arni.
Y Tîm Gweithredol
Wrth galon arweinyddiaeth BBC Studios mae tîm deinamig o 10 gweithiwr proffesiynol profiadol ym myd y cyfryngau, o dan arweiniad Tom Fussell fel y Prif Swyddog Gweithredol. Mae’r tîm hwn yn llywio BBC Studios tuag at ein nodau, ac yn goruchwylio’r gwaith o greu a dosbarthu ein cyfryngau byd-enwog.
Brandiau a thrwyddedu
Rydym yn arwain y diwydiant o safbwynt creu a meithrin brandiau byd-eang eiconig. O Bluey, Dancing with the Stars a Doctor Who i BBC Earth, rydym yn denu cynulleidfaoedd byd-eang ac yn ennyn cefnogwyr drwy ein gwasanaethau ein hunain yn ogystal â gwasanaethau ein partneriaid gwerthfawr.
Buddion
Mae ein buddion craidd yn y DU yn cynnwys cymorth rhianta a gofalu, cynllun pensiwn, mynediad o bell at feddyg teulu ddydd a nos, yswiriant bywyd a budd-dal damweiniau.
Mae ein cynllun buddion hyblyg yn eich galluogi i greu pecyn sy’n bersonol i chi, gan gynnwys yswiriant iechyd, yr opsiwn i brynu neu i werthu gwyliau blynyddol, aelodaeth o gampfa, cerbydau trydan, beicio i'r gwaith, hyfforddiant personol am ddim, cyfleoedd datblygu a hyfforddiant gwych, yn ogystal â disgownt ar nwyddau a gwasanaethau. Yn rhyngwladol, mae ein buddion wedi’u teilwra i fod yn gystadleuol yn y farchnad leol.
Gweithio’n hyblyg a gweithio o bell
Ein nod yw darparu cydbwysedd digyffelyb rhwng bywyd a gwaith, gan gynnwys 26 diwrnod o wyliau. Gan ddibynnu ar anghenion eich rôl, byddwn yn eich cefnogi i weithio o’ch swyddfa yn y BBC, gartref, neu o leoliad arall sydd fwyaf addas ar gyfer eich anghenion.
Bywyd yn y BBC
Dysgwch fwy am ein manteision, ein diwylliant gweithio, ein gwerthoedd a sut rydym yn hyrwyddo cynhwysiant.Ein gwerthoedd
Rydym wedi sefydlu set o werthoedd ar gyfer pawb sy’n gweithio yn y BBC. Rhagor o wybodaeth.Sut rydym yn llogi
Mae gennym amrywiaeth enfawr o gyfleoedd ledled y DU a’r byd. Dewch i wybod sut rydym yn llogi.
