Bliadhna nan ÒranYear of Song

Murchadh MacLeòid (Murd' an Fhèilidh)

Rugadh Murchadh MacLeòid, mac Aonghais Mhurchaidh na h-Àirde, air 30 Sultain, 1906, agus bha e a' fuireach aig 6, Dùn Chàrlabhaigh.

B' e an aon bhalach a bh' ann an teaghlach de shianar agus b' e an dàrna duine bu shine san teaghlach.

Chuir e bheatha seachad ag obair an Glaschu air na trams agus aig stòr a' ghràin, agus an dèidh dha a dhreuchd a leigeil dheth thug e greiseag na bhodach loiliopop, ach gu mì-fhortanach cha d' fhuair e saoghal fada idir.

Bha e pòsta aig piuthar màthar an t-seinneadair, Dòmhnall MacRath, bho Na Lochan, agus bha iad an toiseach a' fuireach timcheall air St George's Cross an Glaschu mus do ghluais iad a-mach gu Knightswood.

Tha e coltach gur e duine dòigheil a bh' ann, le port-a-fead aige an còmhnaidh, ach dh'fheumadh e a bhith air a bhrosnachadh gu seinn. 'S e chanadh e nuair a bhite ag iarraidh air òran a ghabhail ach "Seinnidh mi a-rithist e!"

Chaochail Murd', aig aois 66, air 19 Dùbhlachd, 1972.

Tha sinn an comain Pheigi NicDhòmhnaill airson an fhiosrachaidh seo.