Bliadhna nan ÒranYear of Song

Murchadh MacIllEathain (Am Provost)

Rugadh agus thogadh Murchadh MacIllEathain, mac Mhurchaidh Aonghais Iain, air an robh mar fhar-ainm "Am Provost", ann am Bràgair agus chuir e seachad a bheatha ag obair sa mhuileann ann a' Siabost.

Phòs e dhan Leathad Fhraoich a tha air a' chrìoch eadar Bràgair agus Siabost.

Tha cuimhne aig cuid ann am Bràgair fhathast air a bhith a' cluinntinn mu sheanmhair, banntrach Aonghais Iain, aig an robh gibht shònraichte airson bàrdachd. A rèir coltais 's ann ann am bàrdachd a bhiodh i tric a' bruidhinn. Bha e mar gum biodh e a' tighinn bhuaipe gu nàdarrach.

Chaidh Murchadh a thogail am measg òrain agus na bhalach-sgoile dhèanadh e fhèin òran cuideachd.

Bha e dèidheil air a bhith seinn agus aithnichte mar dhuine abhcaideach, caractar.