Bliadhna nan ÒranYear of Song

Sèist / Chorus

JD, JD, JD agus Dallas,
JD, JD, dh'fhàg na h-ighneagan spaideil. JD.

'S thàinig a' fasan às a' Fhraing, chuir e sgoinn air gach caileag,
Còta goirid man a' ghlùin, fasan ùr a bh' aig Dallas. JD.

'S iomadh càil a rinn e, rinn e feum as a' bhaile,
Dhreasaig e Catrìona Nèill mar gach tè bh' as an fhasan. JD.

'S chuir e cùlan oirr' ma cluais, tighinn a-nuas air a broilleach,
Chuir e sin oirr' 's còta mòr agus brògan le strapan. JD.

'S iomadh tè rinn e faoin, rinn e 'n aois oirnn cho spaideil,
'S chan eil fasan thig às ùr nach bi 'n dùthaich ga chleachdadh. JD.

'S nuair a chì thu iad a' falbh dhan an t-searmon nan t-anail,
H-uile tè 's car na ceann 's i ri sealltainn ri casan. JD.

'S nuair a pheantas iad 'ad fhèin chun na cèilidh gu rach iad,
Bidh an gruaidhean mar na ròs, 's iad cho bòidheach ag amhairc. JD.

Siud a' sealladh nach bi buan, thig e nuas ann an aithghearr,
Geum na h-oidhch' 's i cho ciar, 's ad man liadhag a' chladaich. JD.