Eilidh Chuain
Òran air a sgrìobhadh le: Gun Urra agus air a sheinn le: ealasaid m. cattanach agus seinn aon neach.
This is a song written by: Gun Urra and sung by: ealasaid m. cattanach and seinn aon neach.
Facail an Òrain / Song Lyrics
Sèist / Chorus
Eilidh Chuain 's i bha luath,
Tè bhòidheach nan guaillean geala,
Eilidh Chuain 's i bha luath.
Bha na h-udalain gu lèir,
Bha na cruinn, 's bha na slatan,
Darach nach teirig a chaoich,
Chaidh a bhuain ann an Lochlann.
Aonghas Camshron aig an stiùir,
Fear Leòdach air na siùil a phasgadh,
Mac Ill Eathain chuireadh suas,
Nuair as cruaidh a thig na frasan.
Thàinig an sgiobair a nìos
Is botal fion aige na achlais,
"Illean gabhaibh dheth ur leòir
'S bochd an spòrs dhuibh dol gam pasgadh".
Nuair chuir Eilidh 'm brèide suas
B' aigeannach an ceum gu astar,
Eilean Bharraigh às a dèidh
'S an Cuan Èirinn ga fhaicinn.
Bheir mo cheist air Eilidh òg,
Nuair gheibh i sròn ri Loch Leamhain,
Nuair a gheibh i luchd air bòrd,
Thèid sinn còmhla rithe thairis.
BBC iD
BBC iDStiùireadh a’ BhBC
Ceangalaichean BBC
Copyright © 2015 BBC.Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.
