Bliadhna nan ÒranYear of Song

O nach truagh nach robh mi fhathast
Na mo bhalach air an tràigh.
O 's e làithean dòigheil m' òig'
A dh'fhàgas sona mi gu bràth.

Chan eil gluasad air mol a' chladaich,
Cha chluinn mi brag nam botainn mhòir
Tha 'n-diugh fo fheur na taighean-sailidh
'S chan eil sgoth an-diugh air sàl.

Ann an Stiogha Tuath is mi nam sheasamh
'S mi ri 'g amharc mach am bàgh,
Toirt nam chuimhne nuair bha mi òg
Sgiogarstaigh siud àit' mo ghràidh.

Saoilidh mi nach eil glè fhada
On bha fear a' pheitein mhòr
Toirt air tìr nan ceudan langa,
Dùintean tiùrr a' bharra làn.

'N àm an earraich - na siùil gheala
Fàgail fearann dol gu àrd,
Mùirneag na dà leth air an taigh-sholais
'S e Carra-phìobair àite b' fheàrr.

B' e mo dhùrachd na mo bhalach
Tighinn a-steach a' Sòlas Caol,
Staoil an fhuarain 's fuaim a' Ghile
Tighinn gum chluais air oidhche chiùin.

Cho fad 's a bhios muir-làn ga lìonadh,
Faochag 's maorach na do thràigh,
Bidh mo dhùrachd is mo bheannachd
Aig a' chladach ud gu bràth.