Air a' Ghille Tha Mo Rùn
Òran air a sgrìobhadh le: Gun Urra agus air a sheinn le: sìleas.
This is a song written by: Gun Urra and sung by: sìleas.
Facail an Òrain / Song Lyrics
Sèist / Chorus
Air a' ghille tha mo rùn
Tha mo rùn air a' ghille,
Bhon a thug thu rium do chùl
B' e mo dhùrachd thu thilleadh.
'S ann a fhuair thu d' àrach òg,
'N Apainn bhòidheach nan gillean;
'S beag an t-iongn' thu dh'èirigh suas,
Ann an uaisle 's an grinneas.
'S meanglan thu den chraoibh nach lùb,
Gur tu fiùran do chinnich,
Leathanaich nach lùb san streup,
'S chan eil beum air a' ghille.
Falt do chinn tha dualach, dlùth
D' anail chùbhraidh ro mhilis,
Dà shùil mheallach, chorrach, chiùin,
'S tu mo rùn de na gillean.
'S ann am Muile nam beann fuar,
Tha mo luaidh de na gillean,
Dh'aithnichinn thu am measg an t-sluaigh,
Le na h-uaislean a' tighinn.
BBC iD
BBC iDStiùireadh a’ BhBC
Ceangalaichean BBC
Copyright © 2015 BBC.Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.
