Bliadhna nan ÒranYear of Song

Sèist / Chorus

Thug mi gaol do Mhàiri bhàn;
's i mo mhùirnein, flùr nan caileagan,
maiseach mìog-shùil Màiri bhàn.

Binn a guth mar shruthan aighearach,
aotrom ceum mar leumas am meann,
boillsgeadh grèin' air slèibhtean àrda,
Màiri ghràdhach, reul nan gleann.

Gorm a sùil mar dhrùchd cho sradagach,
dual an òir air òigh an fhuilt rèidh,
gruaidh air bhòidhchead ròs an t-slèibhe,
dreach nan caorann dearg na beul.

Chì mi h-ìomhaigh chiatach, cheanalta,
latha 's a dh'oidhche aoibhneas mo smuain;
ge b' e àite, Mhàiri, 'm bi thu,
sìth dhut is sonas gu Latha Luain.